Janaki kalaganaledu Song Lyrics From Rajakumar (జానకి కలగనలేదు)

పాట:  జానకి కలగనలేదు రాముని సతి కాగలనని ఏనాడు

చిత్రం :  రాజ్ కుమార్ (1983)

సంగీతం :  ఇళయరాజా

గీతరచయిత : వేటూరి

నేపధ్య గానం : బాలు, సుశీల

పల్లవి :

ఆమె : జానకి కలగనలేదు రాముని సతి కాగలనని ఏనాడు 

అతడు : రాముడు అనుకోలేదు జానకి పతి కాగలనని ఆనాడు

ఆమె : ఆనాడు ఎవరూ అనుకోనిది ఇనాడు మనకు నిజమైనది

అతడు : ఆ రామాయణం... మన జీవన పారాయణం

రాముడు అనుకోలేదు జానకి పతి కాగలనని ఆనాడు

చరణం 1:

అతడు : చెలిమనసే శివధనస్సు అయినది తొలిచూపుల వశమైనది

వలపు స్వయంవరమైనపుడు గెలువనిది ఏది

ఆమె : ఒక బాణం ఒక భార్యన్నది శ్రీరాముని చిరయశమైనది

శ్రీవారు ఆ వరమిస్తే సిరులన్ని నావి

అతడు : తొలి చుక్కవు నీవే.. చుక్కాణివి నీవే

ఆమె : తుదిదాకా నీవే.. మరు జన్మకు నీవే

అతడు : ఆ ఆ ఆ ఆ ఆ ఆ ఆ  

 

ఆమె : జానకి కలగనలేదు రాముని సతి కాగలనని ఏనాడు 
అతడు : రాముడు అనుకోలేదు జానకి పతి కాగలనని ఆనాడు

చరణం 2 :

ఆమె : సహవాసం మనకు నివాసం సరిహద్దు నీలాకాశం

ప్రతిపొద్దు ప్రణయావేశం పెదవులపై హాసం

అతడు : సుమసారం మన సంసారం మణిహారం మన మమకారం

ప్రతిరోజు ఒక శ్రీకారం పరవశ శృంగారం

ఆమె : గతమంటే నీవే కథకానిది నీవే

అతడు : కలలన్ని నావే కలకాలం నీవే

ఆమె : ఆ ఆ ఆ ఆ ఆ ఆ ఆ   

అతడు :  రాముడు అనుకోలేదు జానకి పతి కాగలనని ఆనాడు

ఆమె :  జానకి కలగనలేదు రాముని సతి కాగలనని ఏనాడుఅతడు : ఆనాడు ఎవరూ అనుకోనిది ఇనాడు మనకు నిజమైనదిఆమె : ఆ రామాయణం... మన జీవన పారాయణం...

ఆమె/అతడు : లలలలల లలల... లలలలల లలల... లలలలల లలల